Sunday, January 25, 2009

Gulab Tosripo 2001 (GULAB Awards 2001)

Gulab Tosripo 2001

Lokprio ani nanvazteo Gulab Tosripo kaim vorsam khondd poddun bond
poddlelean atam portun suru zaleat. Nigteoch Gulab Tosripo 2001
jikhpeanchim nanvam jahir zaleant. Goencho famad karttunist ani
ontorraxttrik nam'na zoddil'lo tosoch halinch Podma Vibhuxon kitab
jikhlolo Bab Mario Miranda Goencho mha-monis mhonn nivddun aila.


Gulab Tosripo 2001

Konknni machier osleo panch tosripo asat ani Goenche kolakar tankam
Hindi sinemantle Filmfare Awards koxe mand-tat. Heo tosripo he pavtti
oxeo favo zaleat; Boro Borovpi — John D'Silva (Bott); Boro Digdorspi —
Mario Menezes (He Chukik Bhogsonnem Asa?); Boro songitkar — Jose
Anastasio Fernandes urf Juju (Ti mhoji Maim). Tech porim Gulab Tosrip
2001 Boro Nott mhonn nivodd monddollan famad vinodi kolakar Hum-bert
Fernandesak (Rakhonn) divpak tharailam zalear Bori Notti hi tosrip
Apolonia Rebello (Somazak Uzo Lai) hika favo zalea. Bai Shruti (Ti
Mhoji Maim) hika kherit ut'tejon inam' favo kelam.


Mario Miranda

`Salgaonkar Sports Club'-acho khellgoddi Alvito D'Cunha haka Goencho
khellgoddi mhonn vinchun kaddla.




Fr. Ave Maria Afonso haka Konknni (Romi) Sahitea Mollar Boro Borovpi
mhonn porgott kelam.

Heo tosripo divpeank vinchun kaddpachem kam' eke somiten kelem.
Tantunt prosidh Konknni borovpi ani adlo Sobhapoti Toma-zinho
Cardoso, Agnelo Fernandes (Borim), Brazinho Soares Kalapurkar,
Felicio Cardoso ani khasa Gulab-acho Sompadpi Fr. Freddy J. Da Costa
aspavtale.

Heo tosripo Maiache 1 tarkher 2002 sanjechea 6.30 vaztam Goencho
Adhari Bism, Man. Felipe Neri Ferrão hanchea hatantlean
Xirdonneam `Rosary Open Air Hall'-ant vannttpant ietleo. Iogaiog
(coincidence) mhollear tea disa Gulab-acho Sompadpi Fr. Freddy J. da
Costa aplea padriponnachim 25 vorsam (Rupea Utsov) somorombhta.

Copyright 2001 Gulab. All Rights Reserved

__________________________________
Sodanch vach GULAB
Goencheam ekunch rongit mhoinallem
www.gulabonline.com



_____________



Playwright John D’Silva who has over the years
cornered admiration from his fans for his good script
writing ability making him the obvious choice for the
GULAB Award 2001 for the best script is certainly
going to make some loud noise this season with his
latest venture “BOVALL”.

No comments:

Post a Comment