GULAB neman uzvaddak yeuncho na mhunn jahir zaina borobor utthle he GULAB obhimani Gõykar ani GULAB nemit bhair kaddcho mhunn hott dhorlo. Utthle pordesantle Gõykar ani GULABacho pormoll dor mhoineak pormollum-di mhunn avaz ukttailo. Kuveittantlean, Kala Mogui Kuwait hachea asrea khala, Bab Domingo Araujo ani Fr. Teo Fernandes hannim GULAB Vavurpi Somiti Kuveittant sthapon keli ani, amkam adar korat mhunn ami tondd ugddinastana sud’dam, Kuveittant GULABa pasot chollvoll suru korpak amche kodden provan’gi magli. Ami fatt-fuddem chintinastana toxi porvan’gi dili. He toren kaim GULAB mogianchea uleak pallo diun GULAB tin-tin mhoineamni bhair kaddpacho nirnnoy fattim gheun tacho pormoll dor mhoineak vachpeam modem ximpddavpacho nirnnoy fuddem ghatlo. Fuddem vochon hê Kuveitt somitin GULABacho Rupea Utsov Kuveittant somorombunk suru kela ani hacho poilo karyokrom’ Agostache 15ver savn suru zala. Hea somoyar GULABak porbim diun kaim zonnanche sondex yeunk lagle. Tatunt aplo sondex ani sorkari jahirati mellovpache sol’le diun hea naddbudhinchea borovpean GULABak aple anvdde patthoileat. Kosli talgoddi hi!
No comments:
Post a Comment