"Konkani, Save My Language, Konkani" - by Sanny de Quepem

Re:KONKANI MHOJE BHAXEK VATAI
- SAVE MY LANGUAGE – KONKANI

Aiz kitlech dis zale hanv "Konkani, Save My Language, Konkani & Golgal Goans" hea
vixai-ancher ontroli potrar cholta thi gozal vachith assam. Anik chintun aslom hie
gordentlean nam vochonk, pun akrek mhojem monn koxench savronam zaun hem thodem
boroup korchench podlem. Hanv chod pois tan suru korinam, hea satoleache tinuch
dis puro hie gozal-ichi "SURVATH ani XEVOTT" korunk. Aiz zaitea
zanank mhoji kirodh chodteli kiteak hanv soth tench ugdapem kortam, anik
tumi tor zanam soth sodanch kodu! Kiteak aiz vinagrin thodeamche
gai hanv dhuvunk sodtam - fokot amche Konkani mai-bhaxe khatir.

Sept. 20/07 5:40 AM Bai
Ana Maria de Souza-Goswami Gujarat-ak zagoulem
anik Bab Miguel Braganza (Mapxenkar) hanchea boroupak purn maniatai
dili. Fudem tanem boroilem kim ami Goemkar-ani Konkani bhaxen ulounk
zai, ami tea mhunta kim zorui tum Goem zolmola vo chod teomp Goem raula
zalear Konkani ulounk augodd nhuim! Uprant tea sangta kim Mumbai
Goemkar Konkani uloitat kiteak thuim Goemkar assat mhunon, toxech Tamilian,
Malyalee, Bengali ap-aple bhaxen uloitat. Ek Goemkar Konkno (Hindu)
dusrea Goemkar konkneam laguim Konkani uloita, pun ek Christao Goemkar dusrea
Goemkara laguim Konkani uloumcho-nam, pun Inglez! Soth tujem Ana
Bai, amkam loz dista Konkani amchi mai-bhass ulounk, pun tika kritikar korunk
zaitea amchea bhav-bhoinank urba chodta. Hem vachunk melta amchea www.goanet.org


Uprant
teach disa (Sept. 20/07) 8:50 PM Bab Venantius Pinto kamacho ghara portolea
uprant Internet-ar boslo, poilear No. 1 mail asli Bai Roshan Pai-achi, Respost
"Save my Language" hea vixaiak, Poile suvater tem Bab Venantius haka
sangta apli site Goanet-ak recommend kor mhunon, tia fuddem tea sangata kim
aponn Ingland-ak Cambridge-ichea bhair assa mhunon, toxench Malvika.
Ramesh Pai khuim Bangalore-ak tikan korun assa, Veena Sanbhougue Dubai tikan
korun assa, anik Suresh Kamath Singapore
asta. adi adi
Tem fudem apurbaien sangta kim "Its overall a global
effort" anik ami ontroli potr vapurtaum amchi gozal challu dovrunk,
toxench tem fudem sangta kim Konkani German bhaxen utarlea eka Polandi
nagrikan, zo zaun assa German-ank hevun podlolo. Fudem vachlea uprant maka
gomon ailem kim amcho Bab Venantius Japanese bhaxa xinkta mhunon, atam tum
mhuntoloi hem tuka koxem koulem? Zaito kall zalo hanv internet-acho upeog
kortam! Hi andar ki batt hai, oxem somzochem nhoi. Akrek Bai Roshan-an
Bab Venantius haka porvangui dilea kaim novim utram zodunk zache vorvim amche
Konkani bhaxechi sobitai vadteli.

Hi voili Chitt vachun
zatoch amcho Bab Venantius urben boron sorv Goemkar-ank Goanet-ar boroita kim
apun halinch Bai Roshan Pai hache laguim uloun tachi modoth ghetlea kaim
Konkani sobdam baptim, anik tanche GSB Konkani Dictionary-cho link zaun assa www.savemylanguage.org zo
mandar kortat chear nagrik sounsar-achea chearui konxeanim. Tho fudem boroita
kim kaim Goemkar mandun ghevchenam tode sobd je hie sitir vapurleat, tia fuddem
tho mhunta kim "Konkani is quite amorphous" dusrea bassam porim. AMORPHOUS
hacho orth osso: Shapeless, formless, structureless, ....... Dusrea
sobdanim amchi Konkani bhaxea orth-nasleli? Oxench nhuim tem Bab
Venantius? Zait ghoddea aum chuklam somzumcheak. Uprant kaim xobd
(words) tanem boroileat je maka dista Konkani-chea nhuim pun hie xobd zaum
eta Kanaddi, Tulu, Marathi vo Sanskrit ? Vo anik
khuimchei bhaxeche? Pun nhuim Konkani bhaxeche ji ami uloitaum, somzotat
ani vachunk borounk xikleat!

http://konkani.blogspot.com/ - The History of the Konkani Language by Aarti Maskeri (USA) - amchea dollea ugddapea korpa sarkem zaun assa.

Maka ugdass assa hanvem
1965 vorsa ek Konkani-English Dictionary vachleli ji zaun asli Oxford
Dictionary, ji eka padrin boroileli, tachem naum maka atam ugddas zaina,
pun hanv khatren sangtam ti Dictionary aiz porian amchea Goem ek tori copy
asteli. Ixttamdo tumchea gharani pornim pustokam assat zalear
tim ustun poieat - hi dictionary zaum eta tumchea gharan assa.

Zaiteanim aiz toxvit kelea
internet-ar thoddi-bov Konkani xinkunk, vanchun, somzunk ani borounk zoxxea
porrim amchea Kuwait
vostti korpi Ulysses Menezes-achi website http://www.goa-world.com/goa/konkani/
, ani http://www.goacom.com/goanow/2001/may/goabooks.html
ani
http://www.southasiabibliography.de/Bibliography/Indo-European/Konkani/konkani.html


Tea uprant teach disa
(Sept. 20/07) 10:52 PM Bab Minguel Braganza Bab Shrikant Barve haka thode
zanvaieche sobd sangta, kiteak Bab Vinay Natekar hanem Bab Minguel-ak irli
kodik sangli kim pordesan vadon niz Goemkar-ponnacho valor korina zaunk. Tech
porim Bab Minguel-an sanglem kim Sastikar anik Bardezkar koslich maslis
nastanam eka mekak sozmotat tachea uloupan kitlich ontor assonuim, kiteak akrek
te ekuch bhass uloitat KONKANI. Vach http://www.konkaniworld.com/heritage/index.asp?id=246


Dusrea disa Sept. 21/07 5:03 PM Amchem Bai Selma
boson Bab Minguel Braganza hachea lekh-acho kaim boro bhag fudem galun "In
my humble opnion, we have to begin somewhere to encourage our generation and
the next to BEGIN CONCERSATION in KONKANI and to speak as much Konkani as
possible" fudem aplem boroup kelem oxe porim
..

Hanv chotraien hem soglem poletam, tech porim anik dogh assat zanim bore points
fudem ghatleat, zoxe porim Ana Marie sangta kim Konkani sompeponim xinkonk zata
zori tor Konuim gaumchea mhunxeachi modoth ghevun. Bai Selma fudem mhunta kim
apunn Konkani uloitam, pun Venantius-an ji Konkani utramchi voll hadlea thi
vachun maka dista kim hanv uloitam thi Konkani Pozodh missoll kelelem zantun
Inglez, Purtuguese, Marathi mix korun tika akrek naum dilem Konkani. Tantun
kiteim missoll assum, pun amkam tem vachunk meulem nhuim Konkani bhaxen pun
inglez bhaxen.


Makai thodi Inglez borounk kouta, pun sogleanim zor Inglez boroilear Konkani konn
boroitolo? Aiz sogot firgi bhaxen boroitat mhunon amche bhau-bhoini zankam
Konkani bhaxecho mog assa tanim sorv Goemkar-ank ulo marla mhunon "Save My
Language – Konkani" anik hanv tea ulleak hajir zalam, sozmotam anikui
Goemkar fudem sortele mhunon hea ulleak. Vach http://www.colaco.net/1/KonkaniFogis.htm ani www.konkaniworld.com

Hie Konkani bhaxe khatir ami fokot 7 martyr meztaum, hie chollvollint anik kitlech
astele je lejiad (lame) zaun gharan bosleat konamchoch asro nam zaun, tantlea
thodeani aple kan, dole, hath, paim vogdaile tea Konkanichea chollvolli velar,
tantle thode kaim kallan mele marr farramche dukin, tancho konnem tori ugdass
vo sodpuss kelea? Melo to ghelo, melolo tache familik unem zalo, avoik
puth nam zalo, bhoinink bhau unno zalo, bailek ghorkar, anik bhurgeank bapui
nam zalo. Pun he Konkani chollvollin Konkani Porjeacho
Avaz-acho sangati Pundalik Narayan Naik zo aiz zaittim namna (awards)
ani Churchill Alemao "hero" (adlo MP) ani atancho Goencho PWD Montri zaleat!


7 Martyr-anchea intera dissa Bab Churchill Alemao-an sorv Goemkar-ank bhass
dileli kim apun Konkani passot zuztolom mhunon. Delhi serkaran Konkanik maniatai dili, uprant Romi lipichi chollvoll suru zali! Bab Churchill Delhi vochon
Devnagri amchi lipi mhunon soi keli, tednam Romi lipi vale ubantar podle,
iskolanni passun Devnagri xinkounk suru keli. Atam serkari kochereanim passun ticho upeog korunk serkar vavurut asa. Marathi bhaseant azun passun Pulis Station-ar Goembor Marathi-nt FIR (First Instance Report) boroitat. Tor amchi Konkani-nt kiteak boroinant?
Amchi Romi Lipi khuim gheli?

Tor atam Konkani konnem samball-pachi? Dusro konn fudem sorcho-nam re puta, tika tuvem anik hanvem samballunk zai, vhoi ami Goemkar-anim. Amche modem assat zaite Goemkar je xatier hath marun, apli tokli tuje xatiek tenkoun sangpi "Hanv
Konkniwadi", tech porim assat zaite Goemkar, je tondan zaitem uloitat pun
boroitanam badeache (borrowed) firgi bhaxen boroitat, torui aplea boroupan hem
borounk visorche-nam "I am Konkniwadi", sangtanam sangtat Konkani passot hanvem hem kelam anik tem kelam mhunon, sogleak fokot aplench naum sangtat, inama jikhpak, aplea sangata anik kitle vavurleat tanchem naum sangonk fattim sortat! Tumi kedna tori aikolam kim talli eka hathan vazta mhunon? Talli vazounk donn hath-anchi goroz asta, tech porim assat thode zanim pozoddponn boroilem amchea dhormachea vhodilam voir, pozoddponn boroilem amchea Raj-karbaream voir, pozoddponn boroilem sezari ani sezarni voir, sobe-mazar chuki korun passun St. Pedro negar, oslea mhunxeank manache
puroskar passun favo zale Konkani passot vavurleat mhunon, pun soth zaun assa
Konkani boroupan kosloch vaur korunknam hea mhunxeanim Vell meuta tedna vach ani aik http://ashamai.zenusinfotech.com/Stories.htm

Ixtt-amdo Konkani samballunk zai zalear Konkani borounk survath kor, zanvaiechim utram hie atamche pilgechea kanar sadoi, amchem hem boroup vachun vachun kaim zan Konkani borounk xinktele, vhoi todem tori inglez boroup assonk zai, sorv bountim pole
amchim Konkani Kitli potram assat, aiz fokot "Vauradeamcho Ixtt" ( www.v-ixtt.com)
jivo assa fokot tho Pilar Padrinchea hathan assa mhunon. Eka kallar Soth mhunon potr choltalem tea uprant Goa Times, Cine Times eta Bombay tan, oxim anik kitlinch potramanim zolom ghetlo anik melim amcho Goemkar-ancho adar nam zaun. Fr. Freddy-in Gulab rochun hadlo! Aiz Gulab ( www.gulabonline.com) 26 vorsam zalim to jivo assam, Romi vachpeanche adharant - amchea Gulf-ak aslolea bhav-bhoinneanim taka ximpla ani fulloila mhunntlear ottitai (exergeration) zaunchi nam - zoxem porrim suskrurisanv (subscription), jahirati (advertisements/well-wishers messages) ani amchea boroupeanim Hea adim zaitinch pustokam ani potram uzvaddealeant ani tim jivim dovorunk sompadpeanim (editors) zaiteoch nakant xinko kadloleo asat. Vach: http://www.konkaniworld.com/heritage/index.asp?id=245&Action=1

Ami ekvottan fudem soron amche Konkani bhaxe passot vavroea, zata te porim Konkani borounk tozvitt korumea, Romi, Devnagri, Kanadda, adi Lipimchi Divli ji petoilea thi
palounk diuchi-nhuim. Vach www.daijiworld.com www.mangalorean.com, www.konkaniacademy.org ani www.colaco.net
Atam Marathi apleak Goem zago sodta, dusre vaten Kannada apleak zago sodta, ami
Goemkar oxech eka mekacher xenn marith raulear ek diss osso etolo kim amche
fudle pilgek Konkani ulounk passun meuchinam! Amchea
Montri-eancher visvass dovorla tho puro, ek diss te amkam passun vinktele
apli kodelik! Vach http://www.colaco.net/1/Konkani2004.htm
Thoddeach disanim "Konknni course in Roman script" hem
pustok Thomas Stephens Konknni Kendr (TSKK), Porvorim bhair
ghaltoleat. Tem soggleank upeogik zatelem mhunn maca khatri
asa. Vhodik khobor melunk boroi: E-mail:tskk at sancharnet.in vo vach website: www.tskk.org


Zor ami ekvottan ravon Konkani bhaxecho vapor kelo zalear, tednach amchi Konkani
Mai-bhass jivi urteli, anik porot kinvoch marunk podchi-nam mhunon
- "Save My Language – Konkani".

Viva Konkani.. Mog assum.

Tumcho
khalto,

Sanny De Quepem – Kuwait.samir1322 at yahoo.com
www.goa-world.com/goa/konkani/


Gulf-Goans e-Newsletter
www.goa-world.com

circa 2008