Sanny de Kepem - Git rochpi: Jacinto Noronha

Sanny de Kepem



I



Dhonia Devan rochlolo, taka sabar deneanim

Bhurgeach ponim than nacho ganvchea khell tiatranim

Football-an to akant back famad ganvchea clubanim

Toxench loka thaim uloup kori mogall utranim



Ch



Xinkpan uxear aslo, vogot pidear korinaslo, sancho sirvis kori

Aikat divun kann , astanam to lhan, ghor uklun dori

Gaddiechim engine-am goddi, anik khobor toddi, crooning kori bori

Lok vakandtalo gavan, famad tho navan, khobor tumkam dita puri



II



Devak to rozor korun upkar sodanch attoiyi

Boro tho composer bore utranim kantar nettoiyi

Zinsavar kantar-am korun ek ek utor suttoiyi

Kantar tachem aikotoch lok tallio pettoiyi



Ch



Chollo tho nettan, nesop tachem jettan, sodanch fuddem raupi

Composer vodlo, lokamkui kodlo, tho boro gaupi

Taka kiteim kodlear, konn khala podlear, tho rokdoch paupi

Taka khobor astana, pun guneanv nastana, tho sogleam apleacher gheupi



III



Sangleaim Devalim denim, monxea khullan tho oso

Oukicho duent mhunn kodlear tho rockdoch khobrek voso

Aikonk fott lagot punn ek vor maiz tuimsor boso

Porot porot phone kori vicharunk asa tho koso



Ch



Thoddim zan zanai, thoddim nonoi, kitem bhangar ani rupem

Thoddeank zai thi vost, thoddeank dusro ghost, tho dakoiyi korun sompem

Aiz ixtt tacho anv, Jacint mhojem nanv, kadtam anv taka chepem

Dhonia aik mhojo tavo, ani-ek zavo, osloch Sanny de Kepem.







Git rochpi: Jacinto Noronha (Kuwait)



[He git “Konkani Variety Show” 9vi Octomb 2008 GULAB Rupea Utsov

Soboromb-ak ghailam ani Gulab Kuwait Vixex Mars 2008 Ank-ar xhappun asa.]

FIRST DEATH ANNIVERSARY REMEMBERANCE FOR SANNY DE QUEPEM IN GOA AND KUWAIT http://groups.yahoo.com/group/gulf-goans/message/22063______________________________________Goa's Pride - http://www.goa-world.com http://www.yahoogroups.com/group/gulf-goans